SoLa 2023 - Donstig
Grüezi mitenand, mir meldet üs wieder. D Situation mit de Habsburger verschärft sich meh und meh. NO MEH Regle sind dezue cho; während em Esse muess mo jetzt stoh, mo dörf nur zwei mol am Tag uf s Hüüsli und vor em is Bett goh muess mo de Stammbaum vom Gessler ufsege. D’Angst wird immer grösser und de Gedanke dra zum Flüche immer schmackhafter. Bevor mo sone wichtigi Entscheidig trifft söt mo aber zerst no öppis esse.
Noch em z’Morge hend mir noch langem Hi und Her entschiede zum de Platz entgültig z verloh. Schnell hend mir üsi siebe Sache zemepackt und sind los gwanderet. Im Verlauf vom Tag isch d Stimmig immer schlechter worde unter de Iheimische und de Landammänner. No dezue fehlet sit em gestrige Obed üsi ältiste Chind, was isch bloss passiert? D’Sonja macht sich vermehrt sorge will niemert weiss wo sie sind.
Als nöchst hend sich wieder mol alli gstritte…
Druf ab hend mir erfahre, dass üsi 7. Klässler in Sicherheit sind und d Habsburger nöd in Richwiiti sind. Unterwegs zum abgmachte Treffpunkt mit üsne ältiste hend mir enand es Verspreche geh, dass mir möchtet zemehebä, uf Gott losä, uf d’Schöpfig achte und enand mit Respekt begegnä. Noch em Schwur hend mir üs entschiede zum wieder zruggoh i üses gliebte Bergdörfli will mir mit üsem neue Bund stärcher wie d’Habsburger.
Acho uf em Lagerplatz hend mir de Obed usklinge loh mit emne feine z’Nacht und usgiebigem Lobpriis. Mittlerwiile sind wieder alli friedlich vereint und verwiilet im Land vo de Träum. Buona notte a tutti!