SoLa 2023 - Sunntig
rEimol meh isch es Johr verbi, und es wiiters SoLa het gstartet. Üs erwartet e Wuche voller schwiizer Abentür, schwiizer Traditione und da Johr ganz speziell; e schwiizerdütschi Usgob vom Jungschiblog! Will d Habsburger üs immer nöcher chömet, münd mir üses gliebte Dihei verloh und Zueflucht sueche. Nöd ganz einig, hend mir üs entschiede zum am Bruno mol zfolge, ohni bestimmts Ziel vor Auge.
Bim zMittag esse in Olte, sind mir uf d Vreni gstosse. Sie het üs vo erem Dihai verzellt i de schöne tessiner Alpe. Churz druf ab hend mir üs entschiede üs ihre ahzschlüsse und sind tüüfscht beidruckt vo dem schöne Lagerplatz ganz wiit entfernt vo jehnste Habsburger.
Scho bald hend mir die andere Bewohner kenneglernt, unter Anderem de Garry, s Trudi, de Hampi und de Duri. Sie hend üs d Gegend zeigt aber au uf dLagerregle ufmerksam gmacht. Üsi Schlofplätz hends üs ebefalls zeigt. Sfreudige Zemetreffe hend mir au dörfe mit emne feine Znacht fiire.
Noch em Znacht hend üs de Duri und de Bruno ihri Jodlkünst priisgeh, da het üs ahgregt zum au üsi Lieder uszpacke und zsinge.
Natürlich het au üsi Ahdacht nöd dörfe fehle ;)
Mit Fuessballspiele, Gschichtli verzelle und Liedli singe hend mir de ersti Obig schön usklinge loh! 
Mir hend en geniale Start is Lager dörfe ha und sind allne wo üs im Gebet bis jetzt mittreit hend und wiiterhin mitträged. Falls es es paar vo eu git wo üs au gern mit Gebet unterstütze wönd aber nonig im Gebetschat drin sind dörfet ihr gern über folgende Link dem Chat biitrette:
https://chat.whatsapp.com/CDDRkLKxFlTHQiighQreVl
Und mit dene Ihdrück vom hüttige Tag wönd mir üs verabschiede und meldet üs morn wieder!
Buona notte a tutti!